திருப்பத்தூர் அரசு மருத்துவமனைக்கு எம்பி மற்றும் எம்எல்ஏ தொகுதி மேம்பாட்டு நிதியில் 90 லட்சம் மதிப்பிலான மருத்துவ உபகரணங்கள் வழங்கப்பட்டன...

திருப்பத்தூர் அரசு மருத்துவமனைக்கு எம்பி மற்றும் எம்எல்ஏ தொகுதி மேம்பாட்டு நிதியில் 90 லட்சம் மதிப்பிலான மருத்துவ உபகரணங்கள் வழங்கப்பட்டன... திருப்பத்தூர் மாவட்ட ஆட்சியர் அலுவலகத்தில் நாடாளுமன்ற உறுப்பினர் மற்றும் சட்டமன்ற உறுப்பினரின் தொகுதி மேம்பாட்டு நிதியில் இருந்து அரசு மருத்துவமனைக்கு மருத்துவ உபகரணங்கள் வழங்கும் நிகழ்வு மாவட்ட ஆட்சியர் சிவனருள் தலைமையில் நடைபெற்றது. இதில் திருவண்ணாமலை நாடாளுமன்ற உறுப்பினர் அண்ணாதுரை மற்றும் திருப்பத்தூர் சட்டமன்ற உறுப்பினர் நல்லதம்பி, மாவட்ட எஸ்பி விஜயகுமார், சுகாதார துறை இணை இயக்குனர் யாஸ்மின் துணை இயக்குநர் சுரேஷ், அரசு மருத்துவமனை மருத்துவ அலுவலர் திலீபன் முன்னிலை வகித்தனர். இதில் திருவண்ணாமலை நாடாளுமன்ற உறுப்பினர் சி.என்.அண்ணாதுரை தனது தொகுதி மேம்பாட்டு நிதியிலிருந்து திருப்பத்தூர், நாட்றம்பள்ளி மற்றும் சமுதாய சுகாதார நிலையங்கள் குனிச்சி மற்றும் ஆண்டியப்பனூர்,புதுப்பேட்டை ஆகிய சுகாதார நிலையங்களுக்கு 20 லட்சம் ரூபாய் மதிப்பிலான மருத்துவ உபகரணங்களை வழங்கினார். திருப்பத்தூர் சட்டமன்ற உறுப்பினர் நல்லதம்பி தனது தொகுதி மேம்பாட்டு நிதியிலிருந்து 69 லட்சம் ரூபாய் மதிப்புள்ள மருத்துவ உபகரணங்களை திருப்பத்தூர் அரசு மருத்துவமனைக்கு வழங்கினார். இதில் திமுக மாவட்ட பொறுப்பாளர் தேவராஜ், நகர செயலாளர் ராஜேந்திரன் மற்றும் அரசு மருத்துவமனை மருத்துவர்கள் உட்பட பலர் கலந்து கொண்டனர்...

இதுபோன்ற செய்திகளை உடனுக்குடன் தெரிந்து கொள்ள எப்போதும் இணைந்திருங்கள்...

செய்திகள்- கோவி.சரவணன்...